شبكة منجم

مشكلة عن الفلاش ميموري

تيجي تنسخ عليها او تيجي تحذف منها تطلع رسالة تقول



Cannot copy ) File Name ) The disk is write protected. Remove the write protection or use another disk


الاخ عرض المشكلة

و الميكانيكي راسه و الف مفتاح 46 لازم يعمل مشكلة في جهازه لغاية ما تطلع المشكلة

و بعدين يحاول يحل المشكلة



الميكانيكي بسلامته عمل المشكلة دي مع فلاش ميموري 1 جيجا و خلاها مش ممكن تنسخ عليها او تحذف منها

دا كان في جهاز

تاخدها على جهاز تاني تشتغل و تبقى آخر حلاوة

ترجع للجهاز اللي انت كتفتها فيه تبقى محمية

خلاصة الكلام

الميكانيكي انشغل شوية عن الحكاية دي



النهار دا دبت في نافوخ الميكانيكي يشوف الحل

ليه ؟

لانه اخد فلاش ميموري تانية يشتغل بيها على الجهاز اياه لقاها محمية

جاب هارد دسك خارجي و جا يشتغل بيه لقاه محمي

مع انهم شغالين زي الحلاوة مع الاجهزة التانية


معنى الكلام ان العقدة في الجهاز ذاته مش في الفلاش او الهارد الخارجي


طيب تحلها ازاي يا ميكانيكي ؟


زمان احنا عملنا المشكلة باستخدام السيكيوريتي

لكن الحل ما نفعش من الطريق دا

طيب يبقى الحل فين ؟

\\ \\\\\///////

قولوا بسم الله الرحمن الرحيم


الحل انك تفتح Run و تكتب Regedit علشان تشغل محرر الرجستري

حلو ؟ قولوا حلو

في الرجستري تروح فين ؟

خد العنوان دا




في العنوان دا ها تلاقي الاسم دا WriteProtect في الناحية اليمين

تغير القيمة بتاعته من 1 إلى صفر

ممكن تلاقي برضه حاجة بالصورة دي

001 \Control\StorageDevicePolicies

أو بالصورة دي

002 \Control\StorageDevicePolicies

اعمل معاها زي اللي فوق


اقول لكم

ممكن تبحث في الرجستري عن WriteProtect و كل ما تلاقيها تحت مفتاح زي اللي مذكورين فوق خللي قيمتها صفر


عملت كدا

و بعد ما كان كل الفلاش ميموري و الهارد دسكات الخارجية ما بتشتغلش مع الجهاز

اشتغلت كلها
Error Copying File or Folder HKEY_LOCAL_MACHINE\SYSTEM\CurrentControlSet\Contro l\StorageDevicePolicies HKEY_LOCAL_MACHINE\SYSTEM\CurrentControlSet HKEY_LOCAL_MACHINE\SYSTEM\CurrentControlSet