شبكة منجم: اضبط الذاكرة الافتراضية Virtual Memory

اضبط الذاكرة الافتراضية Virtual Memory

12:29 م |

مرسلة بواسطة helly

احنا عايزين نضبط الـــ Page File او اللي بيسموه Virtual Memory

بس تركيزنا ها يكون على نقطة بعينها

هي ايه النقطة اللي عايزين نركز عليها ؟

الاسطوات بيقولوا اعمل الــ Virtual Memory في بارتيشن غير بارتيشن الويندوز

و لازم يكون في البارتيشن اللي ها تستخدمها مساحة كافية

و الذاكرة الافتراضية Virtual Memory بيتراوح حجمها من ( مرة و نص ) إلى ( تلات مرات ) حجم الرام اللي في الجهاز

و الصور موضحة العملية كلها

كدا نكمل المشوار

و نحط كمان فكرة لها علاقة بالموضوع

بس الاول ها نسال سؤال

الاسرع نقل الداتا في الرام و اللا في الهارد دسك ؟

طبعا دا سؤال سهل و ممكن يجاوب عليه اصغر بلية في الورشة

احنا بنسال السؤال دا ليه ؟

علشان احنا بنتكلم عن الــ Page File او الــ Virtual Memory او الــ Swap File

و دا عبارة عن جزء من الهارد دسك بياخده الويندوز و بيحط فيه شغل و بيعالج فيه عمليات .. يعني بيساعد مع الرام الاصلية

و طبعا اما تحط مساعدة للرام بيكون في صالح الاداء بتاع الجهاز

بس لحظة يا اسطوات .. و خدوا بالكم كويس

مش في كل الاوقات الكلام دا بيكون سليم

و بالتحديد .. لو الويندوز حط جزء من ملفاته في الــ Page File في الهارد دسك بدل الرام .. الكلام دا ممكن يخلي الويندوز بطيئ