خش اى مظاهرة وبقلب مليان متخفش طالما ليك حق هتاخده "نصائح للمتظاهرين"
10:21 م | 
مرسلة بواسطة
helly
دا ملف صغير كدا عن بعض خبرتى فى المظاهرات .. وبعض النصائح الى لقتها فى الانترنت وحبيت احطها للجميع علشان تعم الفائدةأول حاجة هتاخد ايه معاك وانت رايح التحرير .. دا بيتوقف عليك انت اول حاجة .. الناس لازم تعمل حسابها فى كمامات نوع كويس او بعض الكمامات بفلاتر لتنقية الهواء ودا علشان قنابل الغاز فى حالة حصل دا ويفضل انك تلبس لبس بكم بدال النص كم ايوة الدنيا حر لكن علشان الغاز والطوب ولا حتى اى حاجة تانية
ولو ممكن تلبس خوذة زى بتعت العمال علشان لو فيه طوب هتحميك جامد وتقدر تقاوم
تانى حاجة .. هتاخد معاك خل وعن تجربة الخل بتاع السوبر ماركت العادى جدا ويفضل تحطه فى قزازة ببرشاش زى الى عند الحلاق كدا :D دى مفيدة جدا فى مقاومة اثار الغاز
تالت حاجة .. هتاخد قزازة مية صغيرة او كبيرة حسب الحاجة ليك ولو معاك عصير علشان تقدر تواصل اليوم
رابع حاجة .. يفضل اللبس يكون رياضى علشان الحركة والسرعة لان فى وسط الاحداث الحركة السريعة بتفرق كتير جدا
خامس حاجة .. حاول متكنش لوحدك فى المظاهرة او خصوصا لو حدث اشتباكات حاول دايما تكون وسط الناس الى تعرفهم واصحابك لان وقتها بتدخل عناصر امنية بزى مدنى وبلطجية ممكن يعتدوا عليك او يعتقلوك بسهولة لكن وسط اصحابك بتكون العملية دى صعبة جدا
سادس حاجة .. بالنسبة للناس الى هتبات يفضل متباتش لوحدك يكون معاك على الاقل 2 اصحابك وتحاولوا لو حد هينام يكونوا اصحابه صاحين علشان لو حصل حاجة يقدروا يتصرفوا بسرعة
بالنسبة للناس المغتربة او الى من خارج القاهرة .. يفضل انها تكون دايما قريبة من اصدقائها ومتروحش فى اى مكان بعيد الا بعد علم الاصدقاء ..
ودايما نحاول نكون عاقلين ونكون غير عنيفين فيه ناس كتير ممكن تكون مندسة لاحداث المشاكل والشجار وممكن اقل مشكلة تعمل مشاكل كبيرة فياريت يكون عندنا عقل كبير خصوصا فى الزحمة
فى حالة القبض عليك هتعمل ايه ..
ممكن فى لحظة خصوصا وسط المواجهات تلاقى نفسك بقيت لوحدك لانك غفلت لحظة او اتهورت او لاى سبب وتلاقى حوليك افراد الامن كتير وبيضربوا او هيضربوا تتصرف ازاى " مهو انت كدا كدا هتضرب :D " بس هقولك تخفف الضرب ازاى انت تبطل تضرب او تعمل اى حاجة التوقف الفوري عن المواجهة والتخلص مما بيده ولو كان علبة حفاظات الطفل، ولتفادي تمادي الأمنيين في الضرب الجنوني، يسقط في الحين، ويتمدد على بطنه، ويضع كفيه على مؤخرة رأسه، مما ستجعل التكتل الكبير لرجال الأمن حوله غير ذي جدوى، لأن الفرد سهل عليهم مطلب إسقاطه.
طبعا هتتكتف وهيقوموك علشان تركب العربية دا لو اما يبطلوا ضرب يعنى انت ونصيبك :D
بلاش عناد معاهم او متردش عليهم باى كلام او توجه اى كلام لاى حد
اهم حاجة وقبل كل دا تكون مجهز رسالة فى موبيلك ومجهز مجموعة مستلمين .. اصحابك وقرايبك هيكون نصها انك اتقفشت يا ريس وتبعتها مجرد ما تحس انك خلاص هتتقفش او خلاص اتقفش قبل ما يقلبوا منك التلفون وباقى الى معاك لانك اكيد هتتفتش :D والحقونى بقة بعيش وحلاوة على الاقل هتعرف اصحابك الى ممكن يعرفوا انت اتقبض عليك امتا وازاى وفين
وربنا يسترها ومش نتحبس كلنا لحسن انا حاسس انها ايام بقت بألوان الطيف متعرفش اى لون داخل فى التانى وتحياتى
التسميات:
جديد * جديد
الاشتراك في:
تعليقات الرسالة (Atom)
0 التعليقات:
إرسال تعليق