شبكة منجم: احذروا من الفلاشات المضروبة وازاى تتعرف عليها وتبعد عنها

احذروا من الفلاشات المضروبة وازاى تتعرف عليها وتبعد عنها

11:55 ص |

مرسلة بواسطة helly

أعراض الفلاش الملعوب فيه:

متنوعه و لكن اشهرها

1-تضع ملفات علي الفلاشه و لما ترجع تاني للفلاشة لا تجدها

2-تضع ملفات علي الفلاشة فتتحول الي ملفات غريبه او فولدرات

3-تضع ملفات في حدود الحجم الاصلي لا مشكلة اذا زاد الحجم الجهاز هنج

4-تضع ملفات و اذا كان الحجم كبيرا يقولك الفلاش محمي و اذا كان صغير لا مشكلة

الموضوع من زمان و ليس الفلاشات فقط و لكن كذلك mp3 mp4 ipod و هلم جرا

و لكن مؤخرا لاحظت زيادة الحالات

فقولت وجب التحذير مثلا في فلاشات 16 الحجم الاصلي 4 و في 8 الاصلي 1 و في 32 جيجا الاصلي 265 ميجا!!

فاحذر عند الشراء و يفضل ماركة معروفه و محل موثوق منه و الضمان

ازاي أتاكد من فلاشتي؟؟

1- ببساطة انسخ عليها ملفات بحجمها و شوف هتاخدهم ولا لا و ارجع انسخهم علي الجهاز و شوف الحجم الكلي و شوف الملفات شغاله ولا لا

هي هتاخد وقت بالذات مع الفلاشات الكبيرة بس متهيالي أأمن طريقه و متاحه للكل

كل ميموري شيب ليه بيانات في صورة كود تدل علي الشركة و الحجم و بيانات تانيه كتير

مثال فلاشه مكتوب علي الميموري شيب بتاعها k9lbgo8uom

الكود ده معناه ايه؟؟؟؟

حرف ال k ده اختصار لشركة سامسونج ــــ و محدش يسال ايه علاقه الkب سامسونج ــ

كده انت عرفت ان الميموري من انتجاهم طيب لو دورت في النت او روحت موقعهم مثلا

http://www.samsung.com/global/busine...mberDecoder.do

و ادخل الكود حرف حرف و شوف النتيجه بنفسك

هتلاقي زي كده

K9 (Memory) : NAND Flash

L (Small Classification) : MLC DDP

BG (Density) : 32Gbit

0 (Technology) : Normal (x8)

8 (Organization) : x8

U (Vcc) : 2.7V~3.6V

0 (Mode) : Normal

اهم بند المساحة 32gbit مش بايت يعني اقسم علي 8 يطلع الناتج 4 جيجا من بتوعنا

يعني اي جهاز فيه الشيب ده مساحته 4 جيجا بغض النظر عن قراءة الويندوز

البرنامج هيوفر عليك الليله دي و يقولك من الاخر المساحه كذا مفيش اسهل من كده

3- الحل التالت انك تقرا الكود بنفسك و احنا صغيرين يعني ازاي؟

تبقي لسه شاري الفلاشه و تقوم فاتحها

و تبص براحتك علي الميموري شيب و الكونترول شيب و علي اللي انت عاوزه

هو حل مش عملي بس يبقي حل

و بس

و مانجلكوش في فلاشة بايظه

كنت هنسي

خد عندك موقعين متخصصين في الموضوع

http://sosfakeflash.wordpress.com

http://fixfakeflash.wordpress.com

ولو انت شايف ان التحذير مهم و عاوز تحذر أخوانك ضع رد يقوم الموضوع ماينمشي و يظل بالصفحة الاولي اكبر فترة ممكنة

و نظرا لكثرة الفلاشات المضروبة السوني

أحذروا

لا يوجد فلاشات sony vaio

شركة سوني لم و لن تنتج فلاشات بهذا الاسم

الاسم ده مخصص لمنتجات سوني من اللابتوب

حتي لو كان الاسم علي العلبة او الفلاشه

زي دي كده

مضرووبة لا تشتريها

موقع سوني للفلاشات و انواعها

http://www.sony-mea.com/productcateg...-storage-media

و للمزيد بص هنا

http://fightflashfraud.wordpress.com...them-are-fake/

http://fightflashfraud.wordpress.com/?s=Sony+VAIO